Nagaland : State pumah World Mental Health Day hmang

Nagaland state puma district hrang hrang leh zirna inah October 10 khan World Mental Health Day hman a ni a, thupui atan 'Access to services- mental health in catastrophes and emergencies' tih hman a ni. He hunah hian rilru lama harsatna neite hnena zirtirna pek, service changtlung leh rintlak bakah inenkawlna lam chawikan chungchangte sawi a ni.

Thusawitute chuan rilru hriselna lama inzirtirna neih pawimawh zia an tarlang a; khuarel chhiatna, inrem lohna, leh vantlanga hriselna lama harsatna an tawh ṭhin chuan rilru lamah nghawng ṭha lo a thlen thin a, mi panga zinga pakhat zelin rilru lamah harsatna an tawk tih an tarlang.

Rilru hriselna vawnhim a ṭul zia sawiin, inṭanpui tawnna chuan nunna a chhanhim theih bakah, khawtlangah insiamṭhatna leh inremna a thlen ṭhin tih an sawi. Stress management leh mental health well-being pawh sawi ho a ni bawk. Nagaland University-a Psychology department chuan he niah hian ‘PSYCHSPARK’, mental health fest an buatsaih bawk a; rilru hriselna pawimawhna tarlana kaihhnawih reel, poster leh film hmanga intihsiakna neih a ni.