Meghalaya STAR-30 coaching programme-ah zirlai 17 thlang

Meghalaya-a State Council of Science, Technology and Environment (SCSTE) chuan Inrinni khan Meghalaya STAR-30 coaching programme batch hmasa ber, academic year 2024-25 aṭangin medical leh health course zir turin zirlai 17 thlan chhuahte a puang.

Meghalaya STAR-30 programme hi kum 2024 National Science Day khan hawn a ni a, a thlawnin residential coaching a kalpui a ni. He hmalakna hi state-a zirlai thiamna bik nei, National Eligibility-cum-Entrance Test (NEET)-a inziak tling thei tur leh, damdawi lam leh health course zir chhunzawm duh chherchhuahna atana ruahman a ni. Khawsak harsa zawk leh thingtlang lama chengten medical entrance coaching an neih theihna tura duan a ni bawk. Batch hmasa ber chu July 15, 2024-ah kalpui ṭan a ni a, batch hnihna chu kumin July 15 khan hawn leh a ni.

SCSTE official-te chuan zirlai thlan chhuahte chu an lawmpui thu an sawi a, ṭhalaite hlawhtlinna chu state ti hmingṭhatu an ni tih an sawi.

Meghalaya sor­kar chuan ṭhalaite hmasawnna tur programme lamah huang zauh zel an tum tih sawiin, thingtlang leh tribal biala scientific lam zirna, intluk tlang taka zirna kalpui leh ṭhalaite chawikan leh tihchak chu a ngai pawimawh tih a tarlang.