Nimin khan Aizawl khawpui leh district headquarters hrang hrangah Mizoram Kohhran Hruaitu Committee (MKHC) huaihawtin Orissa leh India ram state thenkhata Kristiante tihduhdah an nih duh loh lantirna'n leh, tihduhdah tuarte tawrhpuina'n Remna Kawngzawh (Peace Procession) neih a ni. Aizawlah chuan kawng zawhtu hi mi sing hnih chuang an ni a; Mizoram sorkar hnuaia office leh zirna in zawng zawng bakah, mimal zirna in te leh office engemawzat khâr a ni.

Television production award ropui bera ngaih, television lam Oscar ti hiala an koh fiam thin Emmy Wards vawi 60-na chu Pathianni khan puan a ni. Television programming hrang hrang, entertainment, news, documentary shows leh sports-te puan an ni ta a. Henglai thlenga kan hriat lar award late zingah AXN-a tihchhuah thin 'The Amazing Race' chu Reality-Competition Programme-ah thlan a ni. Emmy Awards dawngtute:

Ni 5 cham tura India PM Manmohan Singh-an US a thlen hnu lawkah, Indo-US civil nuclear deal tihhlawhtlinna tura kalkawng pawimawh tak, US-a Senate Foreign Relations Committee chuan bill chu an pawmpui ta a, hemi hnu hian Senate-a ngaihtuah turin pek luh a ni ta. Vote laknaah hian bill thlawp zawng-a vote 19 a tlak laiin a duhlo chu 2 chauh an ni a. A duhlotute hi Senator Barbara Boxer leh Russel Feingold niin, Democrats mi ve ve an  ni.

US President candidate, Republican John McCain leh Democrat Barack Obama-te chuan President ni tura an campaign laia hautak ber tur Presidential debate chu an tan ta, debate hi vawithum neih a ni dawn a, October 7 leh 15 hian debate hi neih ani leh dawn a, hei bakah hian October 2 hian vice president candidate ten ramchhung leh foreign policy chungchangah debate vawi an nei bawk ang. Debate neih hmasak berah hian candidate pahnihte hi  Foreign Policy leh Economic Policy-ah an inbei nasa hle a ni.