Prime Minister Manmohan Singh chuan Manipur Chief Minister, O Ibobi Singh-an an state tanpui tura sorkar laipui puihna a ngen angin a theih anga puih a tiam.
National Development Council (NDC) chairman ni bawk, PM chuan NDC meet, 55th session-ah Manipur Chief Minister-in an state pui tura a ngen thu hi a sawi chhuak a ni. 'Kan thawhpui, Manipur CM-in pui tur min ngenna chu ka hre reng a ni, a mi ngenna angin kawng hrang hrangah awmze nei leh tangkai thei anga puih theih dan tur kan neih thuai ka beisei a ni' a ti.
Naga zirlai pawlten thla hnih chuang zet Manipur pawhtu kawngpui pawimawh an dan avanga Manipur state mipuite harsatna an tawh hrang hrangte chu CM hian ziak chhuakin sorkar laipui hotute hnenah a thlen a ni. Sorkar laipui hnenah ramri venhim leh enkawlna tha zawk a awm theihna turin Burma ram ri-ah Border Security Force (BSF) duty tir turin a ngen bawk.
Sorkar laipui pawhin NE state hrang hrangten lungawilohna an lo thlen fo avangin, ramri ven hna chu Assam Rifles-te kut atangin BSF-te mawhphurhnaah dah a duh tawh nia sawi a ni. Hmarchhak biala helpawl eng emaw zat chuan Burma ramah hian hmunpui an nei a ni.
Nagaland Chief Minister, Neiphiu Rio pawhin Manipur CM ngenna thlawpin, Indo-Myanmar ramri-ah chuan ruihhlo leh ralthuam tawlhruk thinte lo venna leh enfiahna atan te, insumdawn tawnna atante kawngpui siam a tul thu a sawi bawk. Tripura CM, Manik Sarkar chuan DoNER Minister leh North Eastern Council chu sawiselin, hmarchhak biala chengte beisei an pha lo hle a ni, a ti.
National Development Council (NDC) chairman ni bawk, PM chuan NDC meet, 55th session-ah Manipur Chief Minister-in an state pui tura a ngen thu hi a sawi chhuak a ni. 'Kan thawhpui, Manipur CM-in pui tur min ngenna chu ka hre reng a ni, a mi ngenna angin kawng hrang hrangah awmze nei leh tangkai thei anga puih theih dan tur kan neih thuai ka beisei a ni' a ti.
Naga zirlai pawlten thla hnih chuang zet Manipur pawhtu kawngpui pawimawh an dan avanga Manipur state mipuite harsatna an tawh hrang hrangte chu CM hian ziak chhuakin sorkar laipui hotute hnenah a thlen a ni. Sorkar laipui hnenah ramri venhim leh enkawlna tha zawk a awm theihna turin Burma ram ri-ah Border Security Force (BSF) duty tir turin a ngen bawk.
Sorkar laipui pawhin NE state hrang hrangten lungawilohna an lo thlen fo avangin, ramri ven hna chu Assam Rifles-te kut atangin BSF-te mawhphurhnaah dah a duh tawh nia sawi a ni. Hmarchhak biala helpawl eng emaw zat chuan Burma ramah hian hmunpui an nei a ni.
Nagaland Chief Minister, Neiphiu Rio pawhin Manipur CM ngenna thlawpin, Indo-Myanmar ramri-ah chuan ruihhlo leh ralthuam tawlhruk thinte lo venna leh enfiahna atan te, insumdawn tawnna atante kawngpui siam a tul thu a sawi bawk. Tripura CM, Manik Sarkar chuan DoNER Minister leh North Eastern Council chu sawiselin, hmarchhak biala chengte beisei an pha lo hle a ni, a ti.