Nagaland state assembly chuan Thawhtanni khan kum 2010-2011 atana state budget, cheng vaibelchhia 6434.83 chu voice vote hmangin an pass.
Budget pass hmaa sawihona neihah, Chief Minister Neiphiu Rio chuan budget chu mipuite budget a nih thu leh rualkhai taka siam a nih thu a sawi. Eptu lamten agriculture leh a kaihhnawih sector lama sum tam zawk dah an duh thu an sawi chu chhangin, Rio chuan sorkar chuan sum mamawh belh a nih thu hi a hriatthiampui a, tihdan kawng a ngaihtuah dawn tih a sawi. State chhung boruak muanawm tak a awm loh chuan, industrial sector-ah state pawn lam atangin an state-a investment tih an hreh dawn a ni CM chuan a sawi bawk.
Sum lama inrenchem a tul thu Congress MLA KLChishi-an a sawi chu a thlawp thu Rio chuan a sawi a, hemi kawnga hmalakna turin sorkar chuan hna thar siam a khap a, hei bakah hian a tul tawp a nih loh chuan motor leh furniture tharte a lei dawn lo a ni, a ti. Hei hi department hrang hrangten chhinchhiah a, sorkar hmalakna thlawp turin a sawm nghal a ni.
Rio chuan Assembly member 60-ten lungrual taka Joint Legislature Forum (JLF) siamna tura kum 2009, November thlaa resolution an siam thei chu lawmawm a tih thu sawiin, hemi bawhzui hian March 22 khan Joint Parliamentary Working Committee din a ni tih a tarlang.
House chuan CM, minister, Speaker, eptu hruaitu, Deputy Speaker, Parliamentary Secretary leh MLA-te hlawh, allowance siamna leh Ex-member-te tana pension siamna tur (First Amendment Bill 2010) leh Nagaland Appropriation (No. 1,2,3,4 and 5) Bills 2010-te an pass nghal bawk.
Budget pass hmaa sawihona neihah, Chief Minister Neiphiu Rio chuan budget chu mipuite budget a nih thu leh rualkhai taka siam a nih thu a sawi. Eptu lamten agriculture leh a kaihhnawih sector lama sum tam zawk dah an duh thu an sawi chu chhangin, Rio chuan sorkar chuan sum mamawh belh a nih thu hi a hriatthiampui a, tihdan kawng a ngaihtuah dawn tih a sawi. State chhung boruak muanawm tak a awm loh chuan, industrial sector-ah state pawn lam atangin an state-a investment tih an hreh dawn a ni CM chuan a sawi bawk.
Sum lama inrenchem a tul thu Congress MLA KLChishi-an a sawi chu a thlawp thu Rio chuan a sawi a, hemi kawnga hmalakna turin sorkar chuan hna thar siam a khap a, hei bakah hian a tul tawp a nih loh chuan motor leh furniture tharte a lei dawn lo a ni, a ti. Hei hi department hrang hrangten chhinchhiah a, sorkar hmalakna thlawp turin a sawm nghal a ni.
Rio chuan Assembly member 60-ten lungrual taka Joint Legislature Forum (JLF) siamna tura kum 2009, November thlaa resolution an siam thei chu lawmawm a tih thu sawiin, hemi bawhzui hian March 22 khan Joint Parliamentary Working Committee din a ni tih a tarlang.
House chuan CM, minister, Speaker, eptu hruaitu, Deputy Speaker, Parliamentary Secretary leh MLA-te hlawh, allowance siamna leh Ex-member-te tana pension siamna tur (First Amendment Bill 2010) leh Nagaland Appropriation (No. 1,2,3,4 and 5) Bills 2010-te an pass nghal bawk.