Mizoram University-in RIPANS leh Mizoram College of Nursing-a B.Sc (Nursing) exam question a tihdik loh nasat avangin nimin khan zirlaite exam hun darkar hniha sawn hlat a ni a, hei hian exam tur zirlaite a tibuai hle. Question paper leh mark buatsaih chungchangah MZU lam chu an fimkhur lo hlea an hriat thu RIPANS hotute chuan Vanglaini an hrilh.
Nimina RIPANS leh MCON-a B.Sc (Nursing) exam-ah, IV Year Community Health Nursing-II subject zawhna chu paper phek pakhatah, lehlam lehlamah zawhna chhut a ni. Phek hma lamah question no. 1 atanga no. 3 thleng dah a ni a, phek hma lam hi chu a dik vek a; phek hnung lamah chuan question no. 4-7 dah a ni a, mahse phek hnung lam zawng hi B.Sc (Nursing) II Year-a Communication & Educational Technology subject question paper-a mi hlîr dah a ni.
B.Sc (Nursing) IV Year question paper hi a dik lo tih hmuchhuah a nih veleh Mizoram University-ah thawn lêt nghal niin, siamtha tura tih a ni a; MZU lam chuan an tih dik loh hi an tihdik hnuah RIPANS leh MCON-ah an thawn leh nghal a, zirlaite chu an exam thei ta a ni. Exam hun hi chawhma dar 11 atanga chawhnu dar 2 thleng tura ruahma lawk a nih laiin, question paper dik loh avangin darkar hniha sawn hlat a ni a, chawhnu dar 1 atanga dar 4 thleng zirlaite chu an exam ta a ni.
RIPANS-a thawkte chuan, exam mark pek leh belh chungchangah pawh MZU lam an fimkhur tâwk lo nia a lan thu sawiin, kum tin thil dik lo a awm thu an sawi a; tun hma lama dik lote chu anmahni chhung lamah an chingfel mai thin a, tuna dik lo erawh chu a len tâk em avangin an sawi chhuak ta tih sawiin, "An tidik lo ngun lutuk a, ngaiah kan nei tawh a,kan theih ang angin kan lo tidik thin. An fimkhur lo tawp a ni mai," an ti.
B.Sc (Nursing) examination 2009-ah pawh mark an tihdik loh nasat thu sawiin, RIPANS-a thawkte chuan, zirlai eng emaw zat chuan subject thenkhatah full mark aia tam mark an hmu a, chungte chu MZU lam an hriattir hnuah tihdik leh a ni tih an sawi a ni.
Nikumah vêk hian B.Sc (Nursing) II Year exam-ah pawh, answer paper entu tur hnenah answer paper thunnaah question paper an thun dik loh avangin zirlai 62 zinga panga chauh an pass thu RIPANS hnathawkte chuan an sawi a. Subject ni lo leh zirlaiin a exam loh paper-ah mark pek a awm thin thu te, kuminah pawh exam routine chu vawi thum lai siamthat a nih thute an sawi bawk.
RIPANS-a hotu pakhat chuan, MZU lamin thil an tihdik loh thin chungchang hi MZU Vice Chancellor hnenah pawh ziaka an hrilh thin thu sawiin, "An ngai pawimawh chuang lo a ni ang. Bei an tidawng. Kan zirlaite hi a tam zawk chu hnam dang an nih avangin, hnam dang lakah pawh a zahthlak a ni, " a ti.
Nimina RIPANS leh MCON-a B.Sc (Nursing) exam-ah, IV Year Community Health Nursing-II subject zawhna chu paper phek pakhatah, lehlam lehlamah zawhna chhut a ni. Phek hma lamah question no. 1 atanga no. 3 thleng dah a ni a, phek hma lam hi chu a dik vek a; phek hnung lamah chuan question no. 4-7 dah a ni a, mahse phek hnung lam zawng hi B.Sc (Nursing) II Year-a Communication & Educational Technology subject question paper-a mi hlîr dah a ni.
B.Sc (Nursing) IV Year question paper hi a dik lo tih hmuchhuah a nih veleh Mizoram University-ah thawn lêt nghal niin, siamtha tura tih a ni a; MZU lam chuan an tih dik loh hi an tihdik hnuah RIPANS leh MCON-ah an thawn leh nghal a, zirlaite chu an exam thei ta a ni. Exam hun hi chawhma dar 11 atanga chawhnu dar 2 thleng tura ruahma lawk a nih laiin, question paper dik loh avangin darkar hniha sawn hlat a ni a, chawhnu dar 1 atanga dar 4 thleng zirlaite chu an exam ta a ni.
RIPANS-a thawkte chuan, exam mark pek leh belh chungchangah pawh MZU lam an fimkhur tâwk lo nia a lan thu sawiin, kum tin thil dik lo a awm thu an sawi a; tun hma lama dik lote chu anmahni chhung lamah an chingfel mai thin a, tuna dik lo erawh chu a len tâk em avangin an sawi chhuak ta tih sawiin, "An tidik lo ngun lutuk a, ngaiah kan nei tawh a,kan theih ang angin kan lo tidik thin. An fimkhur lo tawp a ni mai," an ti.
B.Sc (Nursing) examination 2009-ah pawh mark an tihdik loh nasat thu sawiin, RIPANS-a thawkte chuan, zirlai eng emaw zat chuan subject thenkhatah full mark aia tam mark an hmu a, chungte chu MZU lam an hriattir hnuah tihdik leh a ni tih an sawi a ni.
Nikumah vêk hian B.Sc (Nursing) II Year exam-ah pawh, answer paper entu tur hnenah answer paper thunnaah question paper an thun dik loh avangin zirlai 62 zinga panga chauh an pass thu RIPANS hnathawkte chuan an sawi a. Subject ni lo leh zirlaiin a exam loh paper-ah mark pek a awm thin thu te, kuminah pawh exam routine chu vawi thum lai siamthat a nih thute an sawi bawk.
RIPANS-a hotu pakhat chuan, MZU lamin thil an tihdik loh thin chungchang hi MZU Vice Chancellor hnenah pawh ziaka an hrilh thin thu sawiin, "An ngai pawimawh chuang lo a ni ang. Bei an tidawng. Kan zirlaite hi a tam zawk chu hnam dang an nih avangin, hnam dang lakah pawh a zahthlak a ni, " a ti.
