July 28, Nilai zana Aizawl khawpui chhunga ruahsûr nasa avangin Aizawla veng hrang hrangah lei a min a; Zemabawk North-a lei minah Timorthy Lalhmingtluanga, Zemabawk North leh Malsawmtluanga, Kawrthah te an boral a, mi dang pahnih an hliam bawk.
Zemabawk North-a leimin hian Lalhmingmawia in, chhungkaw pathum luah lai leh, Lalkrawsmawia in, chhungkaw pathum luahlaite chu zan dar 11:50 velah a hnâwl a, Lalhmingmawia te chhung hi an hliam na lo a, an in hnuaia awm Timothy Lalhmingtluanga (18), s/o. F Lawmtluanga, Zemabawk North leh an laina hnai, hemi zan a riahpui Malsawmtluanga (19), s/o. Vanlalringa, Kawrthah chu a hmunah an thi a, an ruang hi veng chhung mi tlawmngaite'n zawngin, nimin zing dar 3 vel khan an hmu a ni.
Bethlehem Vengah pawh nimin zing dar 2 vel khan Vanrikhuma in, Assam Type, a ban cement chu a chhak atanga leiminin a hnawl a, mihring thi leh hliam an awm lo. July 28 zan dar 10:25 vel khan Durtlang kawng chho, kawngsir thlang lama awm, K Lallianzela in pawh a chhak tlang atanga lung (PHE pipe dâwlna concrete) chimin a delh a, mihring thi leh hliam an awm lo bawk.
Zotlangah pawh nimin zing dar 1 vel khan C Lalkhama in, chhungkaw pahnih luahlai chu a chhak lam leiminin a hnâwl a, in hi Zohnuai kawngah a tawlhthla a, ina awmte hi an tlan chhuak hman a ni.
Tuikual 'B' Muala Zathuami in, C Neihthanga luahlai pawh Nilai zan dar 11:35 vel khan a chhak lama mau/raw hung tawlhin a hnâwl. C Neihthanga te chhungkaw member paruk leh an naute chhungkua member pathumte chu insaseng hman loin, leimin hian a hnâwl tel a; an vai hian damdawi-in panpui an ni a, C Neihthanga fate pahnih, Lalruatfeli (10) leh Malsawmdawngliana (12) chu damdawi-inah hian admit an ni. Lalruatfeli hi a thluakah thisen a tling a, nikhua a la hre mumal lo nia thu dawn a ni.
Tuikuala chhiat tâwkte hi bialtu MLA, Brig T Sailo-in Rs. 3,000, Minister PC Zoram Sangliana'n Rs. 1,000, Tuikual North MHIP leh R Sangthanga ten Rs. 1,000 ve ve, Tuikual South VCP-in Rs. 1,500, Tuikual MUP Rs. 1,000, ADCC President Ch.Lalngaihawma'n Rs. 2000 an pe.
Nimin zing dar 1 velah Aizawl Civil Hospital thlang chu nasa takin a min bawk a; he lei tawlh vang hian thi leh hliam an awm lo nâ a, Bazar Bungkawn atanga Vaivakawn panna kawngpui chu mihring kal theih lohin a hnawh phui. Ramthar North-a Zaluta in choka lam pawh zan dar 10:45 velah leiminin a chhilh bawk a; he in siamthaa nimina hnatlangt thingpui in nan leh Zaluta te chhungkaw tan Minister H Liansailova chuan Rs. 1,000 ve ve a pe a ni.
Heng chhiatna hrang hrang thlengah hian Central YMA hnuaia Disaster Management Committee aiawhte an kal a, hnatlang thingpui lum nan Rs. 1000 theuh Branch YMA hnenah an hlan a ni.
Hetianga Aizawl hmun hrang hranga leiminin in a hnâwlnaah hian, June 17-a training pek zawh tawh, State Disaster Response Force mi leh sate khawi hmunah mah chhanchhuah hna thawk turin an thawk chhuak lo nia thu dawn a ni.
Zemabawk North-a leimin hian Lalhmingmawia in, chhungkaw pathum luah lai leh, Lalkrawsmawia in, chhungkaw pathum luahlaite chu zan dar 11:50 velah a hnâwl a, Lalhmingmawia te chhung hi an hliam na lo a, an in hnuaia awm Timothy Lalhmingtluanga (18), s/o. F Lawmtluanga, Zemabawk North leh an laina hnai, hemi zan a riahpui Malsawmtluanga (19), s/o. Vanlalringa, Kawrthah chu a hmunah an thi a, an ruang hi veng chhung mi tlawmngaite'n zawngin, nimin zing dar 3 vel khan an hmu a ni.
Bethlehem Vengah pawh nimin zing dar 2 vel khan Vanrikhuma in, Assam Type, a ban cement chu a chhak atanga leiminin a hnawl a, mihring thi leh hliam an awm lo. July 28 zan dar 10:25 vel khan Durtlang kawng chho, kawngsir thlang lama awm, K Lallianzela in pawh a chhak tlang atanga lung (PHE pipe dâwlna concrete) chimin a delh a, mihring thi leh hliam an awm lo bawk.
Zotlangah pawh nimin zing dar 1 vel khan C Lalkhama in, chhungkaw pahnih luahlai chu a chhak lam leiminin a hnâwl a, in hi Zohnuai kawngah a tawlhthla a, ina awmte hi an tlan chhuak hman a ni.
Tuikual 'B' Muala Zathuami in, C Neihthanga luahlai pawh Nilai zan dar 11:35 vel khan a chhak lama mau/raw hung tawlhin a hnâwl. C Neihthanga te chhungkaw member paruk leh an naute chhungkua member pathumte chu insaseng hman loin, leimin hian a hnâwl tel a; an vai hian damdawi-in panpui an ni a, C Neihthanga fate pahnih, Lalruatfeli (10) leh Malsawmdawngliana (12) chu damdawi-inah hian admit an ni. Lalruatfeli hi a thluakah thisen a tling a, nikhua a la hre mumal lo nia thu dawn a ni.
Tuikuala chhiat tâwkte hi bialtu MLA, Brig T Sailo-in Rs. 3,000, Minister PC Zoram Sangliana'n Rs. 1,000, Tuikual North MHIP leh R Sangthanga ten Rs. 1,000 ve ve, Tuikual South VCP-in Rs. 1,500, Tuikual MUP Rs. 1,000, ADCC President Ch.Lalngaihawma'n Rs. 2000 an pe.
Nimin zing dar 1 velah Aizawl Civil Hospital thlang chu nasa takin a min bawk a; he lei tawlh vang hian thi leh hliam an awm lo nâ a, Bazar Bungkawn atanga Vaivakawn panna kawngpui chu mihring kal theih lohin a hnawh phui. Ramthar North-a Zaluta in choka lam pawh zan dar 10:45 velah leiminin a chhilh bawk a; he in siamthaa nimina hnatlangt thingpui in nan leh Zaluta te chhungkaw tan Minister H Liansailova chuan Rs. 1,000 ve ve a pe a ni.
Heng chhiatna hrang hrang thlengah hian Central YMA hnuaia Disaster Management Committee aiawhte an kal a, hnatlang thingpui lum nan Rs. 1000 theuh Branch YMA hnenah an hlan a ni.
Hetianga Aizawl hmun hrang hranga leiminin in a hnâwlnaah hian, June 17-a training pek zawh tawh, State Disaster Response Force mi leh sate khawi hmunah mah chhanchhuah hna thawk turin an thawk chhuak lo nia thu dawn a ni.
