Mizoram Electricity Technical Staff Association chuan Power and Electricity department ram, Power House Complex huam zau tak chu Electric Veng tana sahthlak an phal loh thu an chhuah a, he ram hi sahthlak lo turin sorkar an ngen.
Sorkar ram hi veng leh pawl hrang hrangin an dil thin a, an dil chhante pawh a inang lo. Sorkar pawhin ram diltu zawng zawng hi a pe vek lem lo a, chutih rualin a diltu thenkhatte chu sorkar ram hi a pe thin bawk a ni.
Sorkar ram pawl leh veng hnena pek hi a thain a tha lo tih bur theih a ni lo a, an hman zui danin a zir phawt chuan ram pek hma aia ram pek hnua a ram hman tangkai zawk dante a awm. Chutih rualin sorkar ram a nihlaia hmun tangkai tak, khawilai pawl leh veng bil ta tur emaw ang deuha sahhêk avanga tangkai zui ta lo a awm bawk.
Tun hnaiah Aizawl Civil Hospital ram chhunga Dawrpui Multipurpose Centra sak tumna a awm mek a, tunah Power House ram chhung hmun thenkhat chu sorkarah dil a ni mek bawk. Heng hmunte hi Aizawl khawpuia hmun laili leh tha tak a ni a, sorkar pawh a inngaihtuah buai ve hlein a rinawm. Heng ram hi pe ta se tuna an hmanna aia tangkai leh mipui tana tha zawka hman theih a ni mai thei a; chumi lehlam chiahah chuan a hma aia tangkai lo zawka hman palh theih a ni bawk.
Sorkar hian ngaihtuah chiang loin ram hi pe ngawt lo se, chutiang bawkin thil thui tak dawnin ram pek loh hi a la tha zawk mai thei bawk. Sorkar chuan a ram mipuite tana tha berin ro a rel tur a ni a, sorkar ram pe tura dilna awm mek pawh hi rilru fimin ngun takin ngaihtuah se, mipui tana tha ber tura a ngaihin thutlukna siam rawh se.
Sorkar ram hi veng leh pawl hrang hrangin an dil thin a, an dil chhante pawh a inang lo. Sorkar pawhin ram diltu zawng zawng hi a pe vek lem lo a, chutih rualin a diltu thenkhatte chu sorkar ram hi a pe thin bawk a ni.
Sorkar ram pawl leh veng hnena pek hi a thain a tha lo tih bur theih a ni lo a, an hman zui danin a zir phawt chuan ram pek hma aia ram pek hnua a ram hman tangkai zawk dante a awm. Chutih rualin sorkar ram a nihlaia hmun tangkai tak, khawilai pawl leh veng bil ta tur emaw ang deuha sahhêk avanga tangkai zui ta lo a awm bawk.
Tun hnaiah Aizawl Civil Hospital ram chhunga Dawrpui Multipurpose Centra sak tumna a awm mek a, tunah Power House ram chhung hmun thenkhat chu sorkarah dil a ni mek bawk. Heng hmunte hi Aizawl khawpuia hmun laili leh tha tak a ni a, sorkar pawh a inngaihtuah buai ve hlein a rinawm. Heng ram hi pe ta se tuna an hmanna aia tangkai leh mipui tana tha zawka hman theih a ni mai thei a; chumi lehlam chiahah chuan a hma aia tangkai lo zawka hman palh theih a ni bawk.
Sorkar hian ngaihtuah chiang loin ram hi pe ngawt lo se, chutiang bawkin thil thui tak dawnin ram pek loh hi a la tha zawk mai thei bawk. Sorkar chuan a ram mipuite tana tha berin ro a rel tur a ni a, sorkar ram pe tura dilna awm mek pawh hi rilru fimin ngun takin ngaihtuah se, mipui tana tha ber tura a ngaihin thutlukna siam rawh se.