US Ambassador Sergio Gor India-ah rawn zin

India leh US inkar siamṭhatna tur leh insumdawn tawnna tur rang taka tihfel a nih theihna turin, India rama US ambassador thar tur leh South and Central Asian Affairs tana president Donald Trump aiawh, Sergio Gor chu Inrinni liam ta khan Delhi a rawn thleng.

Gor hian ram hruaitu hrang hrang a kawm dawn a, PM Modi leh president Trump ASEAN-summit neih tura inbiakna neih theih dan tur ruahmannate an siam. Gor hian India-a ambassador hna hi kum tharah a chelh nghet dawn chauh a ni.

Gor leh ram hruaitu hrang hrang - PM Modi, external affairs minister S. Jaishankar, national security adviser Ajit Doval, leh foreign secretary Vikram Misri-te chuan Inrinni liamta khan back-to-back meeting neiin India leh US inkar chu chhiah tihsan a nih hnua pangngai taka tihfel leh chungchang an sawi. Hemi hlawhtlinna tur hian Modi leh Trump pawh phone hmangin thla liamtaah khan an lo inbe fo tawh bawk.

Meeting-ah hian ram pahnih thawh dunna tur bakah insumdawn tawnna tur, trade agreement chungchang sawi a ni a; defence, trade, leh technology-a thawh dunna siam ṭhatna tur chungchangte sawi a ni bawk. Hei bakah hian critical minerals chungchangah ram pahnihte tana a pawimawhna tur an sawi ho bawk.

Hruaitute hian tun thla October 26 -27 a Kuala Lumpur, Malaysia-a ASEAN summit a PM Modi leh president Trump inkawm theih dan tur chungchang ruahmannate an siam nghal a ni. Gor hi India-ah hian October 14 thleng a cham dawn a, US embassy-a meeting neih tur pawh a hmanpui nghal bawk ang.