Andaman-a tlang kang thlenna hmun khualzin tan tlawh theih dawn

Andaman and Nicobar island thuneitute chuan India sub-continent huamchhung, Barren Island-a tlang kang thlenna (active volcano) awmchhun chu Port Blair aṭangin India tan lawng hmanga tlawh theihna tur service tlangzarh tir an tum tih official te'n an puang.

Lawng service hi Port Blair aṭanga chhuak tur niin, tlang kang thlenna hi Port Blair aṭanga km 140 a hla a ni. Barren Island hi sq km 8 a zau niin mihring cheng an awm lo bawk. Barren island-a tlang kang nasa tak a thlen hnuhnung ber chu kum 1787 daih tawh niin 1991, 2005,2017, leh 2022-te khan na vak loin a thleng leh bawk.

Andaman and Nicobar Islands Integrated Development Corporation Limited (ANIIDCO) a Commissioner Shipping and Managing director, Chanchal Yadav chuan hmalakna thar hi khualzin hipna tur atana ruahman a nih thu sawiin, Directorate of Shipping Services hnuaia kalpui tur leh Andaman and Nicobar thuneitute kaihhruaina hnuaiah enkawl zui tura ruahman a nih thu a sawi.