Japan PM thar leh PM Modi inbia

Japan prime minister Sanae Takaichi leh prime minister Narendra Modi te chu Nilaini khan an inbia a, an inbiak hnuah India leh Japan chuan thawh dunna atan bungthar duhawm tak an kai tur thu Japan PM chuan a sawi.

PM Modi leh Japan PM Takaichi-te hi minute 25 chhung in biain, Quad chungchang, economic leh defenc huanga thawh dunna leh professional-te awlsam taka chhawr tawn an nih theihna tur chunchangte an sawi a ni. Modi chuan India-Japan Special Strategic and Global Partnership tana hmathlir inang leh tihchak a hmasawn tir dante sawi a nih thu a tarlang ve bawk.

Takaichi hian PM Modi a biak hma hian US president Donald Trump nen Japan-ah an lo in kawm hmasa tawh a ni. Takaichi hian Trump hnenah Quad summit neih tura a tel tur a sawi chian theih loh thu a hrilh a; summit neih tur hi India in kumin hian a thlen kum ni mah se, US nen insumdawn tawnna fel lo leh harsatna hrang hrang vangin tih khawtlai a ni ta zawk a ni.