Krystal-i'n solo album siam dawn

South Korean girl group f(x) member hlui, Krystal Jung chuan a solo album hmasa ber tur a tlangzarh dawn.

October 10 khan Krystal agency, Beasts and Natives Alike (BANA) chuan solo album siam tumin hma a la mek tih an puang. He thuchhuah hi Krystal-i'n recording studio chhunga thlalak a social media-a a post hnu lawkah siam a ni a, music industry-ah a kir leh dawn tih a sawi.

An group f(x) disband a nih hnuah Krystal hi lemchan lamah a hming a chher hle a, drama OST eng emaw zat a record tawh bawk. Amah ngeiin music thar tihchhuah a duh thu sawi fo mah se, February 2025-a a company thar BANA a zawm hnuah a duhthusam chu a thleng thei ta chauh a ni. Krystal hi kumin kumtawp emaw nakkum kumtir lamah rimawi lamah hian a kir theih beisei a ni.