'Jumanji' movie thar shooting November-ah

American fantasy adventure film, 'Jumanji' Sony hit sequel thar ber chu November hian Los Angeles-a production neih ṭan a ni dawn. Dwayne Johnson, Kevin Hart, Jack Black leh Karen Gillan-te an chang leh dawn a, Jake Kasdan-a'n a direct leh dawn bawk a ni. December 11,2026-a tlangzarh tura ruahman a ni.

Film-ah hian hmel thar kan hmu dawn a, HBO series 'The White Lotus'-ah pawh lo chang tawh Brittany O'Grady a lang tel dawn a ni. Ani bakah 'Beetlejuice Beetlejuice' leh 'The Hunger Games: The Ballad of Songbirds & Snakes'-a lo chang tawh Burn Gorman pawh a inlan dawn. Project hi Matt Tolmach, Johnson, Dany Garcia, Hiram Garcia leh Kasdan-ten an produce dawn a, siam ṭan turin hma an la mek. Plot kimchang erawh tarlan a la ni loa, Jeff Pinkner leh Scott Rodenberg-ten script an ziak nia sawi a ni.