CM-in Central-a a 'vuak dûp' hnuah Deptt 23-in project 674 an siam tawh

Tun hnaia chief minister Zoram­thanga'n sorkar laipui dawra Delhi-a a zin hnua thu a sawinaah 'vaw dûp' tih ṭawngkam a hmang a; chu ṭawngkam hmang chuan November 19-21, 2019 chhunga Assembly session-ah zawhna lut a awm nual a; mahse, pakhat tih loh chu ziaka chhàn chi (unstarred question)-ah dah a ni. Department-te'n an chhanna aṭanga a lan danin, CM-in a vuak dûp hnuah Mizoram sorkara department 23-in project 674 an siam tawh.

November 19-21 inkara Assembly session-ah INC member Zodintluanga Ralte chuan department hrang hrangah zawhna a thehlut a, a zawhnaah chuan, 'Kan Chief Minister zahawm takin Central sorkar a zu vuakdûp hnuah...' tiin department hrang hrangah project an thehluh tawhte a zâwt. MLA-in a zawhna department hrang hrangin an chhanna zirchiannaa a lan danin, sorkar department 23-in project 674 an siam tawh a ni.

Zodintluanga Ralte-in zawhna a siamah hian Mizoram sorkarin Central-a DPR a thawn thlakna forwarding copy, number leh thawn ni bakah, project hming, a hmun leh sum ruahman zatte a zawt vek a ni. Chhannaah chuan, department-te project siam zat leh sum zat tarlan deuh vek a nih laiin, PWD erawh tarlan a ni lo. Planning & Programme Implementation department chuan a hranpaa project siam loin, mi dang project pali an thawnsak tawh a; Finance department leh Revenue department-a zawhna erawh chhàn a ni lo. 

    Agriculture department

    Project siam tawh - 9; sum zat nuai 19,865.094

i)     NECF/DONER-ah project 2, nuai 17,250 man

ii)     RIDF-ah project 2, nuai 1,000 man

iii)    Warehousing Infrastructure Fund-ah project 1, 

    nuai 1,000 man

iv)     Cooperation Division aṭangin project 2, nuai 615.094 man

    AH&Vety department

    Project siam tawh - 8

i)     NLM scheme-ah project 4, nuai 5,235.57 man

ii)     Project dang 4 atan nuai 89,203.7

    EFCC department

    Project siam tawh - 6; cheng nuai 4,689 man

    Sum zat tarlan tel loh project pahnih dang a awm

    Rural Development department

    Project siam tawh - 3; cheng nuai 4,500 man

    ICT Department

    Project siam tawh zat - 2

i)     'Rural Information Technology Centre in 

    the state of Mizoram' - cheng nuai 1,000

ii)     'Low cost connectivity solution for uncovered district, 

    autonomous district council and Aspirational District 

    in Mizoram' - cheng nuai 568.03.

    Power & Electricity

    Project siam tawh - 11; nuai 72,016 man

    DPR thehluh a la awm lo.

    Local Administration

    Project siam tawh zat - 3

i)     Construction of River training works for 

    protection of Tlawng

ii)     River Banks at Bairabi, Mizoram

iii)     Panchayat Rest House at different RD block headquarters (20 nos) & cemetry shed (534 nos)

    Higher & Technical Education

    Project siam tawh - 1; sum zat - nuai 880

    Infrastructural strengthening of T Romana College auditorium-cum-skill development centre.

    Excise & Narcotics

    Project siam tawh - 8; sum zat - nuai 7,870

    (District hrang hranga office leh quarters sakna tur)

    Horticulture department

    Project thehluh tawh - 5; sum zat - nuai 1,44,941.23

i)     Project zinga pali chu DoNER hnuai a ni, a vaiin cheng nuai 66,400 man a ni.

ii)     Project dang chu NITI Ayog-ah a ni a, cheng nuai 78,540 man a ni.

iii)     DPR copy, number leh date pek theih a nih loh thu an ziak.

    FCSCA department

    Project siam tawh - 43; 

i)     GIA (CSS) hnuaiah project 10; cheng nuai 1,922 hû

ii)     NABARD-ah project 20; cheng nuai 4,000 hû

iii)     DoNER-ah project 6; cheng nuai 12,268 hû

iv)     Legal Metrology aṭangin project 7; cheng nuai 320 hû

    UDPA department

    Project siam tawh - 14; sum zat - nuai 3,40,930

    Health & Family Welfare

    Project siam tawh - 15

    (Project-ah amount zat tarlan a ni lo)

    Disaster Management & Rehabilitation

    Project thehluh tawh zat - 97

i)     Ruah vanga chhiatnaa chhawmdawlna tur 

    DoNER-ah concept paper 83 an thehlut tawh.

ii)     Planning kaltlangin concept paper 14 dang 

    an thehlut tawh.

    Public Works department

i)     Mission Antyodaya hnuaiah project 5

ii)     NEC & DoNER-ah project 8

iii)     MoRTH-ah project 26

iv)    Japan International Cooperation Agency (JICA)-ah project 7

    PMGSY hnuaiah project 6

    PMGSY Phase-II (Upgradation of PMGSY-I)-ah project 31

    PMGSY Phase-XII (stage II works)-ah project 27

    Art & Culture department

    Project thehluh tawh - 4; sum zat nuai 6,000

    Social Welfare Department

    Project thehluh tawh - 111

    Tourism department

    Project thehluh tawh - 18; sum zat nuai 48,927.65

    (Project zingah 'Christmas in Aizawl' tih a tel a, 

    sum ruahman chu nuai 20 a ni.)

    Irrigation & Water Resources

    Project siam tawh - 213; sum zat nuai 13,567.88

    Commerce & Industries

    Project siam tawh - 22; sum zat nuai 8,698

    Sericulture department

    Project thehluh tawh - 3; sum zat nuai 9,195.02

    Public Health Engineering

    Project siam tawh - 23

    Sports & Youth Services

    Project siam tawh - 69; sum zat nuai 1,30,198.36

    Planning department

    Project siam a awm lo a, project pali an thawnsak

i)    Serchhipa paraglyding atan Rs. 7,53,07,231.79

ii)    Phuaibuanga Handloom Training Centre atan Rs. 4,99,00,000

iii)    Reiek Tlang atan Rs. 5,60,00,000

iv)    Damaged infrastructure during 2017 atan Rs. 16,36,00,000