Aquaman 2, Shazam! 2 tlangzarh hun sawn hla

'Aquaman and the Lost Kingdom' leh 'Shazam! Fury of the Gods' tlangzarh hun chu sawn hlat a ni.

Jason Momoa channa 'Aquaman and the Lost Kingdom', March 17, 2023-a tlangzarh tura ruahman fel vek tawh chu December 25, 2023-ah tlangzarh a ni dawn. Kumin December 21-a tlangzarh tura ruahman 'Shazam! Fury of the Gods' chu nakkum Aquaman 2 tlangzarh hun tura ruahman hmasak, March 17, 2023-ah tlangzarh a ni dawn thung. Zachary Levi channa Shazam 2 hi a tirah tak phei chuan kumin April thlaa tlangzarh tura ruahman kha a ni a, mahse hripui leng vangin an sawn hla zel a, nakkum March thlaah an tlangzarh dawn ta zawk a ni.