Saikuti Hall thawm ṭhat ngai sawiho

Lunglei District Adhoc Managing Committee for Saikuti Hall chu nimin khan an chairman Kulothungan A, bawrhsap kaihhruaiin an ṭhukhawm a; Saikuti Hall thawm ṭhat ngaite leh hmalak dan tur an sawiho.

Ṭhutkhawma tarlan danin, Saikuti Hall hmanna aṭanga sum tling khawm Rs 2,75,000 a awm mek a; sum chu gypsum false ceiling thawm ṭhatna atan te, PVC board ceiling siam nan leh stage curtain thar leina atan hman an rel. Sorkarah sum dil belh an rel bawk.

Kulothungan A chuan, Covid-19 léng avangin hun rei tak Saikuti Hall aṭangin sum hmuh a ni lo tih sawiin, tunah chuan hman a nih leh tawh avangin sum hmuhte chu hall thawm ṭhatna atan hman zel tur a nih thu a sawi.