Presbytery-ah kohhran upa nemnghet

Mizoram Presby-terian Kohhrana inkhawmpui lian ber dawttu, presbytery inkhawmpui Mizoram chhung leh páwn hmun hrang hranga neihah nimin khan kohhran upa ṭhahnem tak nemngheh a ni.

Presbytery in­khawm­­pui hi hmun tam zawkah chuan October 9, 2025 khan ṭan a ni a, presbytery hmun ṭhenkhatah chuan October 10 khan ṭan a ni thung. Synod puipate'n hmun hrang hrangah an hmanpui.

October 9 & 10 khan rorel a ni a, kohhran bakah, Mizoram pum nghawng thei thil eng emaw zat rel a ni. Nimin khan chawhma inkhawmah kohhran upa atana thlan tharte nemngheh an ni a, kohhran upa thite sûnna hun hman a ni bawk.

Kum 2024 dinhmun ang chuan Mizoram Synod hnuaiah pres­bytery 47 awm mekin, pastor bial 298 leh tualchhung kohhran 1,139 a awm. Kohhran member 6,27,719 an ni a, chu'ng zinga 4,55,197 chu dan zawh kim an ni.