MNF-in mipui tibuai zawngin FCAA do lo se duh

Minister PC Vanlalruata chuan, MNF party-te'n Forest (Conservation) Amendment Act, 2023 chu mipui tibuai zawngin do lo se a duh thu a sawi.

PC Vanlalruata hian October 10, 2025 tlaia thuthar thehdarhtute'n an kawmnaah, MNF-te'n FCCA an do a nih pawhin, mipui nunphung tibuai zawngin do lo se a duh thu a sawi a, "Total bandh huaihawt an tum niin kan lo hria a, hei hian mipui nunphung a tibuai dawn. Economy nghawng thei thil a ni a, a tuar tur chu ni tin inhlawh, thil zuar leh mirethei zawkte an ni," a ti.

ZPM-in mipui nunphung tibuai zawnga sorkar nawr leh politics khelh an tih ve ngai loh thu sawiin PC Vanlalruata chuan, "Sorkar han nawr ve deuh kan duh pawhin Val Upa Council-te'n mipui tibuai zawnga thil tih an phal ngai lo, min khap zel," a ti a; MNF-te chu an thil tum ngaihtuah nawn leh se a duh thu a sawi a ni.