Serchhipa zirna-inte a ṭha tâwk - PC Laltlansanga

Serchhip biala MLA by-election neih tura Congress party candidate tur PC Laltlansanga chuan, Serchhip khuaa zirna-in hrang hrangte chu a ṭhat tâwk thu a sawi.

PC Laltlansanga hian nimina Serchhip khaw chhunga zirna-in hrang hrangte a tlawhnaah thu sawiin, "Serchhip khuaa kan zirna neihte hi khaw dang nena khaikhin pawhin a ṭha tâwk. HSLC top 10-a lang pha Serchhip khua aṭangin an lo chhuak fo tawh. Tunah pawh kan college hian result ṭha tak tak neiin, Science leh Arts-ah Mizoram University rank-ah pawh top 5-a lang pha an awm fo a, zirtirtute leh thawktute an chhuanawm hle a ni," a ti.

PC Laltlansanga hian Serchhip khaw chhunga a zir chhuahna hrang hrang Serchhip Hmarveng P/S-IV, Vengchung M/S, JM H/S leh Serchhip College-te a tlawh a ni.