JEE Main 2021 neih hun tur sawn

Ram chhunga hri lengin ziaawm lam a pan theih loh avangin National Testing Agency (NTA) chuan JEE(Main) 2021 neih hun tur chu a sawn hla.

JEE(Main) 2021 hi April 27, 28 leh 30-ah neih tura ruahman a ni a, mahse hri leng a hluar chhoh leh tak avangin a hun hi sawn a ni ta a ni. NTA chuan exam neih hun tur hi an la puang leh dawn tih sawiin, exam neih hma ni 15-ah tal puan tum a ni tih a sawi.

Hri leng vang hian CBSE hnuaia Class 12 exam chu sawn hlat niin, Class 10 exam tur chu ṭhulh a lo ni tawh bawk. Postgraduate tana National Eligibility-Cum-Entrance test (NEET) 2021 neih tur pawh sorkar laipui chuan a sawn hla bawk.