WhatsApp forwarded message chat pakhatah chiah
WhatsApp chuan social media-a thu dik lo thehdarh tam lutuk tihziaawmna turin hma thar a la a, forwarded message chu vawi khatah chat pakhatah chiah thawn theih turin an siam dawn.
Hripui leng karah thu dik lo leh rintlak lo thehdarh a tam hle a, hemi dona tur hian WhatsApp chuan feature thar hi an tichhuak dawn a ni.
Facebook hnuaia awm WhatsApp hi lockdown laiin khawvel puma mipuite chuan an hmang ṭangkai hle a, inbiakpawh nan leh chanchin inhrilh tawnna atan an hmang nasa hle. Hemi a nih avang hian khawvel ram pumah thu dik lo thehdarh tihziaawmna turin WhatsApp hian feature thar hi an siam dawn a ni.