Eiruk thubuai nei ramdanga awmte Saudi-in hruai haw dawn

Saudi Arabia sorkar chuan an mi leh sa eiruk thubuai nei, ramdanga khawsa mekte chu an chungthu ngaihtuah a nih theih nan an rama hruai haw vek a tum niin a sawi.

Attorney General Shaikh Saud Al Mujab chuan eiruk dona beihpui thlak chhunzawm zel a nih thu sawiin, eiruknaa inhnamhnawih nia hriat, ramdanga tlanchhiate pawh an umzui zel tur thu leh, an awmna ram aṭanga hruai kir an nih theih nan international arrest warrant hmanga hma lak zel an tum tih a sawi a ni.

Kum 2017 November thla khan eiruk kaihhnawihah hian offiical 159 zet man an lo ni tawh a, an zingah hian lal fapate leh minister ṭanglai leh minister hluite pawh an tel. An mi mante leh an laina hnaite bank account 376 zet chu khawih chet theih loha hrensak an ni tawh bawk.