ADBBA Cup 2018 ; Zalena Fanai Memorial Trophy

ADBBA Cup 2018 - Zalena Fanai Memorial Trophy-ah Chawn­pui BC chuan mipa inelnaa final lut turin Vanguard chu Thawhlehni zan khan 76-73 in an hneh a, hmeichhe semifinal hmasa zawkah Durtlang Mohicans-in Saron BC chu 55-50 in an hneh ve bawk.

Nizan khan semifinal hnuhnung zawk khelh a ni a, mipa inelnaah Hollow BBSP leh Republic VR4 te an inhmachhawn a, hmeichhe lamah Team Alpha leh LB Associates Bungkawn te an inkhel a, result kan hre hman lo. Final hi September 14, Zirtawpni zan hian Hawla Indoor Stadium-ah khelh a ni ang.

Thawhlehni zan in­khel hmasa zawkah Dur­­­tlang Mohicans-in second quarter-a an chet ṭhat an chakpui a, Mohicans tan Puii che ṭhain point 21 a nei a, Saron BC tana Chhami point 27 chuan final tic­ket a lei pha lo. Season opening-a finalist Mohicans-in final an lut nawn.

Mipa inkhelah divi­sion 1 club Chawnpui tan division 2 club Van­­guard hneh a awlsam lo a, ṭan phat aṭangin an intum tawk. Third quar­ter zawhah phei chuan Vanguard hian 56-53 in hma an hruai a, CYMA Bas­ketball-a Khatla South champion puitu Lal­nundika (Tom-a) a khel ṭha hle. Amaherawhchu quar­ter tawp berah Chawn­pui an che ṭha zawk a, 76-73 in hnehna an chang a, division 1 club tan point 30 neitu Zodina a che ṭha hle.