Tuikual leh Zotlang an chak

3rd Hrangbana Memorial Mizo­ram Badminton League zan hmasa berah Tuikual Shuttlers leh Zotlang Rockets ten an khingpui Hlimen Shuttlers leh Brig & Mrs T. Sailo Kanan te lakah hnehna an chang nghal a, an chakna zat erawh 3-2 ve ve chauh a nih avangin semifinal lut turin an dinhmun a la ṭha nghal lo.

MBL-ah hian an game lak ang zelin point an hmu a, Tuikual leh Zotlang te hian point thum ve ve an hmu tawh tihna a ni. Zanin dar 8:00 hian champion lai Tuikual-in MBL club thar Brig & Mrs T. Sailo Kanan an hmachhawn leh nghal dawn a, group stage-ah match thum chauh a awm avangin inkhel pawimawh a ni.

Chakna tham Samuel-a

Tuikual South-in Hlimen an hneh theih nan Samuel Lalmunmawia'n doubles leh singles-ah hnehna a chang a, player of tie a thlan a ni. MBL3 match hmasa berah hian match li khelh zawhah 2-2 a ni a, chak zawk zawnna atan Samuel leh Lalmuanawma te an inhmachhawn.

North East Zone Inter Badmin­ton inelnaa Mizorama aiawha singles match kheltu Samuel-a'n MBL khel turin a inpeih zawk tih a lang a, Muan­awma a tawnhriat neihna zawng zawng nen ṭang khawng ve mah se chak phu zawk Samuel-a'n hnehna a chang.

Zotlang plan a fuh

Zotlang lamin MBL dan an hre­chiang a, India junior player 26-na Kiran B an lalut a, senior-ah ranking a la neih loh avangin mens singles match hnihna a khel leh thei bawk.

Kiran B hian Under 19-ah har­satna nei loin hnehna chang a, hei chauh hi ni loin match hnuhnung berah Albert Lalchawimawia hneh lehin Zotlang a chak pui a. Zotlang lamin hmeichhe doubles number 1 F. Vanlalhriatpuii an neih an hlawk pui bawk a, Kanan lamin mixed doubles-ah an state pawn player Shreyansh Jaiswal an chhawr chungin an hneh.

Group B - Results
Match 1 - Tuikual Shuttlers-in Hlimen Shuttlers 3 - 2 in an hneh
BS U19 Joseph VL Ringngheta (HS) def Lalmuanawma Sailo (TS) 15-12, 15-9
MD Samuel Lalnunmawia & Subham Prajapati (TS) def Lalmuanawma & Lalnunpuia (HS) 15-13, 15-13
XD Raghu M & Zothansangi (HS) def Zonuntluanga & F. Lalnunzami (TS) 15-7, 15-12
MS1 Subham Prajapati (TS) def Raghu M (HS) 11-15, 15-9, 15-8
MS2 Samuel Lalnunmawia(TS) def Lalmuanawma (HS) 15-14, 15-13
Player of the tie : Samuel Lalnunmawia, Tuikual Shuttlers
Match 2 - Zotlang Rockets-in Kanan 3 - 2 in an hneh
BS U19 Kiran B (ZR) def Laldintluanga Tlau (BTSK) 15-6, 15-9
MD Eddie Lalfelkima & Shreyansh Jaiswal (BTSK) def Lalawmpuia & R. Lalbiaksanga (ZR) 15-13, 15-11
XD R. Lalbiaksanga & F. Vanlalhriatpuii(ZR) def Shreyansh Jaiswal & Zorinkimi (BTSK) 15-13, 15-13
MS1 Abel Lalnunsanga (BTSK) def Lalrinawma (ZR) 15-7, 15-13
MS2 Kiran B (ZR) def Albert Lalchawimawia (BTSK) 15-9, 15-7
Player of the tie : Kiran B, Zotlang Rockets