I League hmahruaitu Real Kashmir

Nimin tlai I League inkhelah Real Kashmir-in Churchill Brothers chu 1-0 in hneh a, minute 76-naah Ibrahim Nurudeen-a'n goal awmchhun a khung.

Lunglei tlangval Lalnuntluanga Bawitlung khelhna Real Kashmir hian tun season-ah hneh loh an la tawng lo a, match li an khelh tawh aṭanga point 10 hmuin I League hmahruaitu an ni.

Nizan khan Aizawl FC leh RoundGlass Punjab te an inkhel a, result kan hre hman lo. Punjab hian hnehna an chang a nih chuan Real Kashmir an nih rual thei ang.

Zanin dar 7:00 hian Kenkre leh Neroca te Cooperage Ground, Mumbai-ah an inkhel ang.