Manipur-ah Rs vbc 6 hu brown sugar man; Manipur-ah Rs vbc 6 hu brown sugar man

Assam Rifles sipaite chuan Thawhlehni khan Manipur-a Chandel district-ah ruihhlo tawlhruk manin, a kut aṭangin brown sugar, cheng vaibelchhe 6 hu an man.

Security force-te hian thu an dawn bawhzuiin Aisi khuaa Mobile Vehicle Check Post-ah motor lutte uluk takin an dap a, brown sugar leh a kengtu hi an man ta a ni. Brown sugar an man hi kg 3 vel niin, sahbawn bawm 275-ah a thuhruk a ni. Ruihhlo an man leh a neitu hi Chakpikarong police station-ah hlan a ni.

Thawhlehni khan Chandel district-ah vek rangkachak tawlhrutu, kum 32 mi Md Umar Faruaqe chu custom officer-ten an man a, a kut aṭangin gold biscuit 40 an man. Gold biscuit an man hi Rs vbc 3.9 hu a ni. Customs Act, 1962-a section 104 hnuaiah thubuai siam nghal a

ni bawk.