Haaland-a'n a khung belh dawn?

Manchester City chuan zanin dar 12:30 hian Brighton & Hove Albion hmachhawn turin Amex Stadium an tlawh dawn. Pep Guardiola hote hian Premier League nomawi an chawi tawh a, zanin an inkhel tur hi chu UCL leh FA Cup final atana inpuahchahna a ni thei ang.

Citizens-in nomawi an chawi zan khan Erling Haaland chu bench-ah a awm a, minute 74-naah luhtir mah se Norwegian striker hian goal a khung lo.

Haaland hian tun season-ah goal 52 a khung tawh a, assist vawi riat a nei tawh. A record ṭha tak avangin Premier League player of the month-ah ṭum hnih thlan a ni tawh a, FWA Footballer of the Year-ah thlan a ni tawh bawk.

City striker Haaland hian Premier League bikah goal 36 a khung tawh a, record thar siam tawh mah se record belchhah a duh ang. Pep-a'n zanin hian Haaland hi inkhelh bul a ṭantir a nih chuan 'scoresheet'-ah a hming a lan leh mai a rinawm hle.