Faina hi nunpui ang u

Mizoram hmun hrang hrangah faina hapna hman mêk a ni a, Mahatma Gandhi puan champha phak denchhen hian kum tin hapta khat hi faina beihpuithlak hunah hman ṭhin a ni.

He faina hapta chhung hian veng tin leh khaw tinah faina hun hman a ni ṭhin a, sorkar lam pawhin he hun hi a ngai pawimawh hle a ni.

Faina chungchang hi inzirtirna ṭha nen chuan Mizoramah ngei pawh ṭha taka kalpui theih a ni tih a takin kan hmu mêk a, khaw ṭhenkhat leh veng ṭhenkhat kan hmelhriat dan chu faina nen a inzawm tlat tawh a ni. Mizoram chhunga mi tho; khaw ṭhenkhat a balin a ṭawp em em a, chutih laiin fai chungchang inzirtirna an kalpuina khua leh veng chuan fai hi an nunpui a, hapta hranpa puan ngai loin kum tluanin an fai thei.

Khawvel hmun dang ngaihtuah ngai loin Mizoramah pawh fai hi a nunpui theih tih kan hmu chiang tawh a, fai tura inzirtirna hi kum tluana kalpui ni se, fai hi kan tlin a ni tih a taka lantir a ngai.