Kawng chhia - sorkar inthlahdah vang

Chief Minister Zoramthanga hoin PWD hotute leh Joint Action Committee for Plyable Road (JACPR) chuan Lailapur leh Sairang inkar kawng chhia thawm ṭhat thuai dan tur an sawiho chungin, bungraw phur lirthei neitu leh khalhtu pawl intélkhawm, JACPR chuan kawngpui chhe lutuk vanga vawiin lirthei an tlantir ta lo.

Mizoramah kawngpui eng emaw zat a awm a, heng kawngpui zinga pawimawh ber hi thlang dâwn ta ila, Vairengte - Sairang road hi a ni ngei ang.

State pawn aṭanga kan ram chhunga bungraw lakluhna ber kawngpui pawh venghim thei lo kan ni hi a zahthlak hle a ni. Heng kawngpuite hi a enkawltu hrangin contractor-te kutah a awm tawh ti ṭhin mah ila, a chhiat leh ṭhat hi sorkarin tun aiin ngaihven se, heti em èma chhia hi a ni lo ang.

Sorkar tirh lama kawngpui an chei hlim chhawna Assembly House-ah hial kawngpui ṭha avanga lawmthu sawina an put luhna ramah ngei kawngpui khar ngai khawpin kan awm ta a, a zialo hle a ni.

Tuna sorkarna chelhtu MNF ngei hian Congress hunlaiin kawngpui chhia avangin kawng an zawh tawh a, mipui tibuaiin total bandh an huaihawt khan kawngpui chhia kha sorkar inthlahdah vanga an puh kha a dik chiah a, tuna kawngpui chhia pawh hi Mizoram sorkar inthlahdah vang a ni a, a zia lo takzet a ni.