House to house campaign khap thu

Mizoram People Forum (MPF) chuan MLA inthlanpui lo awm turah inthlan puan a nih aṭangin house to house campaign khap a nih tur thu an puang a, hei hi political party zawng zawng inremna a ni a, hming an ziah hnan.

October 9 khan Election Commission of India chuan Mizorama inthlan tur thu a puang a, November 7-ah vote thlak tur a ni a, December 3-ah vote chhiar a ni ang.

Tunah hi chuan MPF leh political party inremna ang chuan house to house campaign neih phal a ni tawh lo a, hei hi eng ang taka zawm hlawh nge ni ang? House to house campaign khap a nih chhan nia lang chu pawisa sem an khap duh vang a nih hmel a, tunlaiah chuan pawisa hi internet kal tlanga pek theih a nih tawh avangin pawisa sem venna atan chuan house to house campaign khap hi a sawt vak lo mai thei.

Chutihlaiin MPF leh political party-te inremna thuthlung hi a la ding reng a, chuti a nih chuan house to house campaign hi a rem tawh lo. MPF hian a thuchhuah dangte hi zawm a hlawh theihna turin house to house campaign hi hneh takin khap se, MPF zahawmna atan pawh a ṭha ang.