Sorkarin a pûk belh leh dawn ta

Mizoram sorkar chuan open market borrowing (OMB) hmangin loan cheng vbc. 60 a pûk leh dawn a, sorkar kum kal mek 2023-24 chhungin cheng vbc. 570 a pûkna tur a ni.

Mizoram sorkar hian tun hnaiah sum a pûk nasa hle mai a, tunah pawh cheng vbc. 60 teh meuh pûk a tum leh ta. Kan sorkar hrawn mêk hian pawisa a nei tawk lo tih ka hre tlang a, pawisa kan nei lo a nih chuan pawisa nei lo anga awm thiam hi a ṭhat tehlul nen, a lehlama pawisa sem chunga a lehlama lo pûk bawk hi thil inhmeh lo tak a ni.

Tun hnaiah inthlan kan hmachhawn dâwn a, sorkar tán pawh sum hmanna tur a tam hle ngei ang. Chutihlaiin a pûk theihna apiangah pûk reng mai, a rulhna tur lam thawk chhuak bawk si lo, a thlawna pawisa sem reng bawk si sorkar neih hi thil inhmeh lo tak a ni.