Inthlan leh social media

November 7, 2023-ah Mizoram MLA general election neih a ni dawn a, political party tinte pawh he inthlan hmachhawn tur hian an inbuatsaih nasa tawh hle. Social media lamah political party hrang hrangte an ṭang a, politics lam hawi hmuh tur a tam hle.

Social media hi hman thiam a harsa a ni ang a, khawi hmunah pawh social media hman thiam loh thu hi kan sawi ṭhin. Hetihlai hian politics khawvelah hian social media hman thiam hi a harsa zual a ni mai thei a, mahni pawlte fakna mai ni lo khingpuite beihna remchangah an hmang nasa hle.

Tunlai hian 'fake account' an tih mai, a tak hmuh tur awm si lo hming lem leh nihna lem hmanga mi dang buh ching an tam hle mai a, a pawi khawp mai. Mahni nihna thup chunga na tak taka mi dang beih hi politics-ah thil thiangah kan ngai a nih chuan a fel lo a, tih loh atana ṭha a ni.

Mizo tiha mawi lo, Kristian tiha mawi lo hian social media hi kan hmang nasa takzet a, inthlan dawnah kan hmang sual nasa zual a, a pawi hle a ni.