Val Upa Council

Zoram People's Movement (ZPM) Val Upa Council (VUC) chuan sorkar tharah eirukna do turin theihtawp an chhuah dâwn tih an sawi a, VUC chuan huaisen takin sorkar hotute chu an veng dâwn tih an sawi.

ZPM-in 'Kalphung Thar' tia an sawi fo zinga an sawi tam ber pakhat chu VUC hi a ni a, a hming kan hriat fo ṭhin VUC hi eng tak nge a nih hriat a la ni lo. Ziakah chuan a tih tur leh a thuneihna pawh hmuh tur a awm tawh ngei a, nimahsela a taka hman a la nih loh avangin a nihna hmuh tur a la awm lo a ni ber.

Sorkar thar lakluh a ni dâwn hnai a, chu sorkar kal sual tur veng tur leh khalh ngil turin hna an thawk dâwn niin a lang a, mipuiin a beisei ang tak an nih leh nih loh chu hunin a la hril ang.

Mizorama kan la hmelhriat ngai loh, a nihna tak pawh kan la hriat chiah loh Val Upa Council hian hna han thawk se, an hnathawh dan thlirin Zoram mipuiin ngaihdan an siam dâwn a ni.