India huapin NLUP

Chief minister Lal Thanhawla chuan, "Political party prog-ramme-ah chuan khawvel pum huapah pawh NLUP hi a zahpuiawm lo lawr lak. Khaw-vel sorkar changtlung leh chak zawkah pawh hetiang ang programme ṭha nei hi an awm lo," a ti a; NLUP chuan UNO thlenga ngaihven a hlawh thu a sawi.

Mizoram sorkar hotu lu berin a poli-tical party leh a kaih-hruai sorkarin an buaipui ber NLUP ṭhatzia a sawi a, khawvel huap pawha zahpuiawm lo a nih thu a puang. Chief minister hian NLUP ṭhatzia hi a sawi ṭhin a, Mizoramah hei aia programme ṭha hi kalpui a la nih ngai loh thu a sawi ṭhin.

Mizoramah hian hmasawnna hna thawk theia sorkarna chelh hman awm chhun chu Congress leh MNF an ni mai a, anni pahnih hian policy kalpui hi an neih sawi tur a awm mang lo a, Congress-in NLUP an kalpui hi a lian thama thil kalpui chu a ni mai awm e. Hei vang hian NLUP hi a sawi mawi duh lam tan chuan Mizorama a hnuhma neih hi chu sawi tur a tam hle ang a, sum leh tha ṭhahnem tak senna a nih vangin NLUP hian nghawng chu a nei tur a ni reng a ni.

Hetihlai hian khawvel huapin eng ang nge a nih chiah, tih lam hi chu thlirna a inang lo thei hle ang. Khawvelah hian ram hrang hrangin economic policy an nei ṭhin a, ram khat chhunga state/ province-te pawhin anmah-ni inenkawlnaah policy hrang hrang an lo duang tawh
ṭhin. Policy nei ṭhaa tihlawh-tlingte chu an state-in an hausakpui a, an din chhuahpui a, an policy ṭhatzia chu an state dinhmunah kan hmu thei.

NLUP tluka sum hrawm nâ, tha heh leh hun pek tamna policy hi Mizoramah a la awm ngai lo. He policy, khawvel huap pawha zahpuiawm lo nia sawi hi India huap tala hlawhtlinpui turin thapui thawh se a ṭha ngawt mai.