YMA ruihhlo do tur hi

YMA Central Executive Committee chuan ruihhlo na taka do leh turin an rel a, a dona kawnga hma la tur bik din leh an rel.

Mizo ṭhalai­te suattu leh chhung­kaw tam tak rumtirtu ruihho do hi YMA hian na takin an lo kalpui tawh a, an hnathawh hian fak a hlawh a, chutih rualin sawiselna pawh a tam hle. YMA-in ruihhlo an do vanglaia sawisel an hlawh chhan ber pakhat chu inzir lawk loa an bei chiam mai kha a ni a; duty-a thawk chhuak tur inthliar leh inzirtir a awm lo a, ruihhlo zuartu man an tum dan leh man an nih hnua an chet danah dem an kaina lai a awm.

Hetihlai hian YMA ruihhlo do khan nunna tam tak an chhan niin a lang a, chu chu chiang takin Exicse and Nar­cotic Department record-ah a hmuh theih. Tlem lai deuh khan kum khatah Mizo ṭhalai 200 dawn hi ruihhlo vangin an thi ṭhin a, sorkar chhinchhiah lohte nen phei chuan an thi tam hle ang. YMA-in ruihhlo do beihpui an thlaklai khan ruihhlo vanga thi hi an tlem hman hle a, tun hnaiah an tam leh ṭan ta.

Ruihhlo do tur hian CYMA hian rilru fim takin ṭan la se, tun hmaa an tihsual aṭanga inzir chungin Mizo ṭhalaite chhanchhuah hna a ni tel tih hriain ṭhahnemngai takin bei rawh se.