Rel station-ah ILP checkgate

MPC leh ZNP ṭalaite chuan, Bairabi rel station-ah ILP checkgate a awm loh thu an sawi a, "Terminal chhungah ILP checkgate siam ni ngei se kan duh," an ti.

Bairabi rel station-ah rel lian chi a lo lut tawh a, vawi khatah mihring sang chuang a phur thei. Heng zingah hian hnam dang mi eng emaw zat an awm a, heng mite lo luhnaa ILP endikna hmun awm lo hi chu a inhmeh lo hle a ni.

Bairabi rel sta-tion-a mihring chuan-na rel lo luh tur hi Mizoram sorkar hian a hriatna a rei tawh a, chuti chunga check gate emaw, a invenna eng emaw a buatsaih lo hi chu a fel lo hle a ni. Mizoram chhungah tlawmngai pawl lamin ṭhahnemngai takin ILP dik leh dik lo endik ṭhin mah se, awlsam taka luh theih a nih miau chuan dan loa Mizorama lo lutte indan a harsa hle ang.

Lirthei kalna kawngpuiah mah ILP check gate dah a nih chuan, a huhoa mipui sang chuang an luh theihna hmuna ILP endikna dah hi chu tih ngei tur chi a ni ang. Sorkar hian ruahmanna a nei lo a nih chuan a tisual der a ni ang a, ruahmanna a nei tawha a la kalpui lo a nih pawhin a muang sual der tih inpawm se a ṭha ang.

Mi ṭhenkhatin Mizorama rel lo lut hrim hrim hi hlauhawmah an ngai hial a, a chhan chu hnam dang tam tak dan loa an luh tel an hlauh vang a ni. Chung mite hlauhthawnna belhchhah tur tingin Bairabi rel station-ah check gate dah a ni lo hi a pawi a, sorkar hian a rang thei ang berin ILP nei leh nei lo endikna hmun hi siam ngei rawh se.