Municipal Council

Mizoram sorkar chuan, auto-nomous dis-trict coun-cil (ADC)-in a huam Lawng-tlai leh Saiha tih loh district khawpui dang pangaah adhoc-in munici-pal council din a tum. UDPA Minister chuan, district khawpui pangaah hian Urban Local Bodies aṭanga sum lo kalte insem a ngaih dawn avangin inren a ngaih dawn thu a sawi a, "AMC pawh hi a hek zawng ni lo a, sum peipung zawnga an kal a ṭul," a ti.

Mizorama muni-cipal council hmasa ber Aizawlah din a ni tawh a, mipui beisei a phak lo tih chu zep rual a ni lo. A term hmasa berah a hnathawktute leh a concillor-te ngei pawhin an arkhawthim dai a, lal inchuhna boruak a lian a, sum hman tam tham hle mah se thil lian tham hnutchhiah an nei tlem hle.

Contract hna an sem nasa a, hna lian tham chhenfakawm tur lam aiin a tam thei ang ber hna pek tumna a lian a, an pawisa hmante a uiawm hle a ni. Hei hi Mizorama municipal council kan hmelhriat ṭan dan a ni a, a vanduaithlakin a pawi takzet a ni.

Tunah district khawpui dang pangaah kalpui tum a ni a, sorkar hian eng chin nge ruahmanna a neih tawh tih hriat kim theih la ni lo mah se, minister sawi danin thui tak chu an kalpui tawh a nih hmel. Heng khawpuite hi chuan an arkhawthim dai tawh dawn lo a, Aizawl tihsual
aṭangin inzir rawh se.

AMC chu hma-sawnna hna lian tham thawka ṭan la turin mipuiin an beisei mang lo a, an hnathawh kalpui danah mahni party mi leh sate contract hna tenau semtu leh hamṭhatna awm angte insem diat diat angin an hmu ta hial. Mizoram khawpui danga municipal council din tumah hi chuan khawpui hmasawnna tuipui ber se, political party thil a ni lo tih lo hre lawk se a ṭha ngawt mai.