District thar

Mizoramah district pariat a awm mek a, heng bakah hian a thuphunga district pek tawh a taka la kalpui si loh pathum dang a awm bawk. Tun hnaiah Mizoram hmun hrang hrang aṭangin district dil an awm belh mek bawk.

Mipui nuai 10 vel awp tura district pariat awm hi India ram tehna
aṭang chuan thil mak tak a tling tawh a, state danga dis-trict pakhata mi-pui awm zat pawh kan tling lo. Chutih rualin state dang mi-pui an bitna hmunte nen chuan khaikhin theih kan ni lo a, kan chenna hmun a inkar hlat dante leh tlawhpawh a har-sat dante en hian, district hrang hrang neih hi chu kan mamawh ve tho a ni.

Hetihlai hian district thar kan ngiat dan leh sorkar kan nawr dan hi en ila, Mizoram tana
ṭhatna lam ngaihtuah loin, "Kan khua leh a chhehvel tan," tih thinlung kan pu deuh vek mai a, thil mak pawh a ni lo. Mi tinin mahni tana ṭha kan duh a, kan khaw hmasawnna tur hi kan ngaihtuah lo thei lo a; district capital nih loh chuan hmasawn hleithei loa khaw lian ve tak tak kan hnutchhiah chhung chu district dilna hi a tawp lo ang.

Tunah hi chuan district ṭhuthmun leh ṭhut-hmun lote a inthlau a, sorkar behchhan loin hma-sawnna thil dang a kal hleithei bawk si lo a, district ṭhut-hmun nih ngenin sorkar kan inkarsiak mek a ni. Hetihlai hian sorkar tal hi chuan 'Mizoram' hi ngaihtuah se, ramin a tlin loh tur hi vote duh vang maia a kalpui zel a nih chuan, a tawpa a tuartu tur chu Mizoram bawk hi a ni.

District pariat kan nei tawh a, district dang siam belh zel hi Mizoram hian a mamawh nge mamawh lo, tih lam kan ngaihtuah thlen a ṭha khawp mai.