Ram ni pawimawh

Nimin kha India ramin zalenna a chan champhaphak, Independence Day vawi 70-na a ni a, India ram pumah hman a ni. Mizoramah pawh district hrang hrangah he hun hi hman a ni.

Thawk khatlai khan Mizo-ramah hian ram ni pawimawh hian ngaih pawi-mawh a hlawh lo hman hle a, tun hnaiah sorkar a ṭang thar a, ni pawimawh pawh kan ngai pawimawh leh ṭan ta a, a lawmawm hle.

Tun hma deuh chuan hetiang ni bikah hi chuan sorkar hnathawkte leh sikul naupangte hi kal ngei ngei tur ang deuha ngaih a ni a, kal tura sawmna dawng chinte phei chu an lang lo ngai mang lo. Hun a kal zel a, sorkar inenkawl dan a lo danglam chho zel a, ram ni pawimawh bikah pawh sorkar officer liante leh kal tura mimala sawmna dawng chinte zingah ngei pawh kal lo an awm zauh zauh a, ram hruaitute an âng chhuak hial a ni.

Ram ni pawimawh zah chungchangah kher lo pawh, sorkar hnuaia hnathawk duha hlawh la duh si, sorkarin a phût lêt ve ti duh mang si lo kan awm tlat ṭhin a, a
ṭha lo hle. India ram zalenna ni hi kan ngai pawimawh lo a nih pawhin, India sorkar hnuaia hnathawk duh nih si chuan a ni pawimawh chu dah pawimawh tur a ni a, hei hi inzirtir uar deuh deuh a ṭha khawp mai.

Engpawhnise tun hnaiah ram ni bikte zawi zawiin kan dah pawimawh leh tial tial niin a lang a, hmasawnna lawmawm tak a ni a; amaherawhchu hmun tinah kal tura beisei kal lo an la awm nual zel a, thuneitu lamin inthlahdah loa ṭan an lak chhunzawm zel a la ngai hle a ni.