History

Mizo pasalṭha Khuangchera chu sorkar laipui lamin freedom fighter a ni tiin chawimawi an tum a, BJP party lamin hei hi tuipuiin central minister hoa tih tum a ni. Zirlai lamin an do a, mipui tam takin an duh loh thu an sawi bawk.

Khuangchera chawimawi tum danah hian India zalenna sualtu anga tih a ni chiah lo a, mi ṭhenkhat chuan India zalenna sualtu anga chawimawi an tum niin an sawi a, hei hi chu a ni chiah lo. Nimahsela British laka Mizote zalenna sualtu ang deuha tarlan a ni a, hei hi Mizote'n Khuangchera kan hmelhriat dan a ni chiah lo.

Thil thleng hi ziah duh dan a inang lo a, history-a thil chuangte pawh hi a ziaktu azirin a ziah dan hi a inper san thei hle. Thil thleng inang reng pawh a lemlam lehlamaa ṭangte'n an ziah chhawn dan a inang lo a, hei vang tak hian history pawh hi a zir mite chuan uluk zawka chhuiin an ziah hunlai leh a ziaktu azirin thil an chhui nawn leh chawk a ni.

Khuangchera hi 'freedom fighter' anga chawi-mawi a nih chuan khuareiah hetiang mi hi a ni emaw ti pawl an la awm dawn a, Mizo pasal
ṭha mahni ram chhan tura theihtawp chhuaha nunna hial hlantu ni mah se, zalenna sualtu niin Mizote'n kan hre ngai lo a, kan pawm tlang lo a nih hmel.

History hi a thlirtu azirin a danglam a, ziah duh dan dang deuh neiin anmahni mil zawngin an ziak fo. BJP hnuaiah hian history hi ziah danglam a nih chuan a nghawng a na dawn a, history dik tak nei hnam kan nih theihna turin tun hi ṭanlak hunlai a ni.