Yoga

Mizoram sor-kar hnuaia School Education depart-ment chuan thu-chhuah siamin, Mizoram sorkar hnuaia sikulah tih-luihnain Yoga tihtir a ni ngai lo niin an tarlang a, "Mizoram sorkar hnuaia zirna sikulahte hian engtik lai mahin tihluihnain Yoga practice a ni ngai lo. Central school leh mimal zir-na inahte lo prac-tice ṭhin an awm a nih erawh chuan Mizoram sorkar chuan a hriatpui lo a ni," a ti.

Yoga chungchang hian sawi zui a hlawh hle mai a, sor-kar laipuiin khaw-vel huapa tihlar a tum mek a nih laiin Mizoram sorkar chuan a hnuaia sikulah an la kalpui ve loh thu an chhuah. Yoga hi taksa insawi-zawina chi khat ang leka sawi an awm a,
ṭhenkhat erawh chuan sakhaw inzirtirna nen kal kawp tlata an hriat avangin tih ve thiang lo ang hialin an ngai thung.

Yoga chungchanga ngaihtuahna tithui em em mai chu heti taka sorkar laipuiin a buaipui hi a ni a, taksa insawizawina chi khat a nih chuan chutiang tihlar tuma sum leh hun tam tak sen hi chu thil mak tak a ni. Khawvelin insawizawi dan tlanglawn tam tak a neihlaia, Yoga a lar loh hlaua beih chiam hian a phênah thil dang inphumru awma rinhlelhna a siam lo thei lo.

Engpawhnise Yoga hi tute'n emaw politics hmanruaah an hmang a nih pawhin thil mak a ni lo a, politics-a ham-
ṭhatna hmuh theihna a nih dawn hi chuan hmanraw remchang apiang hi an chuh mai ṭhin. Chutihlaiin yoga kalpui ve loh thu hmanhmawh taka puan chhuah nghalte pawh hi School Education department thu mah ni se a phena tihtirtu an awm a ang hle mai a, Yoga-ah hian thu inchuh hi a awm zel dawn a nih hmel.

Yoga hi sorkar laipuiin a tuipui ang hi chuan Mizoramah hian tuipui a hlawh dawn lo tih a chiang reng a; a duhtu leh duh lotu lam pawh hian tawk chin hi nei thiam se, Mizoram boruaka thil lian tak ni lo pawh hi kan khel kan khel chuan issue lian takah a chang zui thei hlauh zawk a ni.