Thing phun vil

Champhai District Level & Monitoring (Green Mizoram) Committee chuan tun hnai khan Champhai DFO pisa-ah Green Mizoram Day-a thing phun tawhte endik dan tur an sawiho.

Mizoramah hian sorkarin Green Mizoram a kalpui a, hna
ṭha tak thawkin hmun hrang hrangah thing an phun. Heng an thing phun zinga ṭhahnem tak hi chu a ṭhang puitling tawh a; nimahsela enkawl zui a nih loh avangin thing phun tam tak hi chu a thi leh tawh a ni.

Thil hi kan ti dawn a nih rau rau chuan rûn dala tih leh a mawi tawka tih mai hi a tawk lo a, kan tih tak tak a ngai. Thing phun pawh hi kan kalpui dawn a nih chuan a thing phunah kan duhtawk thiang lo a, a vil zui hna hi kan thawk tel tur a ni a, hemi kawngah hi chuan
ṭan lak a la ngai hle.

Thing phun tur hian senso tur tam tak a awm a, thing
ṭiak hi a ṭhen chu a leia lei a ni a, Environment & Forest department lam aṭanga dawn pawh ni se anni lam hian man neia an buaipui a ni. Phun turin khawpui dai leh hmun remchang panin sum tam tak sen zui a ni a, kan thiltih hi a puitling nge puitling lo tih vil zui hi chu a phuntute mawhphurhna a ni.

Champhai Dis-trict lama Green Mizoram buaipuitu lamin an thing phun tawhte enkawl zui dan tur an rel hi a lawmawm a, anni hian entawntlakin ṭan la se, an hnathawh hlawhtlin dan enin Mizoram hmun dang pawhin entawn ngei se a ṭha hle.