Kumthar Chibai

Kum 2021 ni hmasa ber kan lo thleng leh ta. Kum khatah ni 365 a awm a, chu chu kan lo zawh ṭan leh dâwn ta a; Pathianin kum thar duhawm tak mai min hruai thleng hi a lawmawm takzet a ni.

Mi ṭhenkhat chuan kum a thar rual hian nun thar ṭha zawk neih an tum a, kum hluia an chin ṭha lote kalsanin kum ṭha zawk hman tumin thutiamte an nei ṭhin. Thil thar ṭha tih tumin ṭan an la a, an chin ṭhan ṭha lo kalsan tumin kum bul an ṭan ṭhin.

Hetihlai hian mi ṭhenkhat ve thung chuan kum lo thar leh ṭhin hi an ngai thupui vak lo a, nimin leh vawiinin danglamna a neih an hre lo a; a mihring kan la ngai a, kan hnathawh a ngaiin thil engkim deuhthaw a la ngai vek si a, kum thar lo thleng hi an ngaihsak vak lo.

Eng mi pawh ni ila kum a thar ruala a ṭha zawnga hmang thiam apiang hi mi vannei chu an ni mai dâwn a, kum hluia kan thil chin ṭha lo kalsana kum thara nun ṭha zawk hmang thei tura bul ṭan duhna thinlung kan nei a nih phawt chuan chu mi chin pawh chu kum tharin kan nuna ṭangkaina a neih hmasak chu a ni nghal der mai.

Kum 2021 hi i tán kum ṭha lo ni se, Vanglaini chuan Mizo mipui zawng zawng kum thar chibai a buk a che u.