Thil ṭha intihhmuh

Mizoram district hrang hrangah Valentine's Day pualin Association for Voluntary Blood Donation (AVBD), Mizoram State AIDS Control Society (MSACS) leh blood bank-te 

ṭang­rualin thisen pek rûnpui an huaihawt a, Mizoram pumah mi 1,131-in thisen an pe. 

Khawvel a dang­lam chho ve zel a, tun hmaa Mizote'n kan hmelhriat ngai lem loh leh kan lawm/ hman ngai loh thil tam tak hi kan uar chho ve tawh a, chu'ng zingah chuan February 14 apianga Valentine's Day kan sawi ri ta ziah hi a ni awm e. Ṭhalai leh naupang zawkte chuan hmalhriat tawh hle mah se nu leh pa bakah kum upa zual tan chuan thil thar chan a la chang a, mi ṭhenkhat tan chuan thil ṭul lo leh hnawksak, ṭhalaite suala an tlukna remchang siamna ang deuh pawhin a ngaih theih ang.

 

Chutihlaiin kan duh emaw duh lo emaw kan ṭhalaite chuan khawvel dang ang bawkin Valentine's Day hman chu an intihhmuh chho ve ta zel si a, he ni hi ṭangkai tana hman dan AVBD lamin an ruahman hi a lawmawm ngawt mai. Mizoram hmun hrang hrangah Valentine's Day puala thisen pek runpui neih chu kum tin mai neih a ni chho ta zel a, ni khata thisen petu an tam ni ṭhin hi thil lawmawm tak a ni. 

Zêp thu a cheng lo a, Valentine's Day han tih hi chuan khawvel hmun danga an hman dan ṭha lo lamte avangin Mizoramah pawh nu leh pa tam takin an fate an ngaihtuah a, a chhe lam ringawt zir loa he ni denchhena a ṭha lama thil kalpui tur an lo siam hi a lawmawm a, hetiang hian thil ṭha intihhmuh kawngah hma i sawn chho deuh deuh ang u.