Thlawhtheihna vanga harsatna

Mizoramah thlawhtheihna service a tlem sawt hle a, Jet Airways-in an thlawhtheihna an tihtawp hnuah Air India thlawhtheihna Kolkata aṭanga thlawk lut chiah a awm tawh a, hei vang hian mipuiin harsatna an tawk mek a ni.

Ramin hma a sawn chho zel a, Mizoramah pawh state pawn lam aṭangin thlawhtheihna a pung zel a, Mizote pawh state pawn lamah kan zin chhak tam ta hle. Hei vang hian thlawhtheihna kan mamawhna hi a lêt tam takin a sang tawh a, chutihlaia thlawhtheihna a tlem ta thut mai hian mipuiah harsatna lian tak a thlen chho mek. 

Thlawhtheihna thlawk a tlem ta a ni mai lo a, a chuan man hi a sang uchuak hle. India ram hmun tam zawk aiin Aizawla lut leh chhuak thlawhtheihna chuan man hi a sang a, mipuiin an tuar hle a ni. 

Hetihlai hian thlawh­theihna service ṭhinte hi private airlines-te an nih fur avangin sorkar tan pawh nawr vak a remchang vak lo a, chuti chung chung chuan Mizoram sorkar hian tun aia chak zawka he harsatna su kiang tura ṭan a lak a ngai a ni. Mipui an mangang a, thlawhtheihna ticket chan a harsa a, a awm chhun a to bawk a, sorkarin mipui harsatna su kiang turin tun aia chakin ṭan la ngei rawh se.