Myanmar refugee
Mizoram chief minister Zoramthanga chuan India prime minister hnenah lehkhathawnin Myanmar ram buai avanga Mizorama rawn tlanchhiate (refugee) chu Mizoram sorkarin a tuam hlawm zel dawn tih a hrilh a, India sorkar chu Myanmar raltlante chungchanga a ngaihdan thlak turin a ngen bawk.
Myanmar-ah sipai sokarin democracy hmanga din sorkar chu tharum hmangin a hneh chhuh a, mipuiin sipai sorkar duhlohna an lantir a, sipai lamin mipui tam tham tak an kap hlum tawh a; Myanmar mi leh sa sahimna zawnga Mizorama lut tawh mi eng emaw zat awmin an la luh belh zel rin a ni.
He thilah hian India sorkar chuan raltlante chu India rama lut lo turin a duh a, Myanmar nena ramri nei state-te chu lehkhathawnin he thilah hian dan dik loa India rama luhtir lo turin a hriattir hlawm. Mizoram sorkar ve thung chuan India mi pawimawhte hnenah raltlante dinhmun dik tak hrilhin Mizoramin ṭha taka a lo dawnsawn thute pawh an hrilh tawh a, raltlante hi tuamhlawm zel a tum bawk a ni.
Mizoram leh Myanmar hian inzawmna thui tak a nei a, Ṭiau lui ral lehlama awm zingah Mizo hnahthlak ṭhahnem
tak an awm a, heng mite hi an manganlaiin Mizoram hian a hnuchhawn thiang lo ang. Mizo hnahthlak kher lote pawh sahimna zawnga tlanchhia an nih chuan mihring mihrinna zawn aṭanga thlirin lo hnawh kir emaw, lo dawnsawn duh loh hi thil thiang lo anga ngaih theih a nih hmel.
Mizoram sorkarin a tih tur dik tak tia Myanmar ram buai avanga raltlante ṭha taka a lo dawngsawng hi a lawmawm a, India sorkar thlirna tarmit a lo dang deuh a nih pawhin kan ṭhenawma kan uanute'n harsatna an tawhlaia lo ṭanpui a, kan theih anga lo tuamhlawm hi kan tih tur dik tak a ni e.
Myanmar-ah sipai sokarin democracy hmanga din sorkar chu tharum hmangin a hneh chhuh a, mipuiin sipai sorkar duhlohna an lantir a, sipai lamin mipui tam tham tak an kap hlum tawh a; Myanmar mi leh sa sahimna zawnga Mizorama lut tawh mi eng emaw zat awmin an la luh belh zel rin a ni.
He thilah hian India sorkar chuan raltlante chu India rama lut lo turin a duh a, Myanmar nena ramri nei state-te chu lehkhathawnin he thilah hian dan dik loa India rama luhtir lo turin a hriattir hlawm. Mizoram sorkar ve thung chuan India mi pawimawhte hnenah raltlante dinhmun dik tak hrilhin Mizoramin ṭha taka a lo dawnsawn thute pawh an hrilh tawh a, raltlante hi tuamhlawm zel a tum bawk a ni.
Mizoram leh Myanmar hian inzawmna thui tak a nei a, Ṭiau lui ral lehlama awm zingah Mizo hnahthlak ṭhahnem
tak an awm a, heng mite hi an manganlaiin Mizoram hian a hnuchhawn thiang lo ang. Mizo hnahthlak kher lote pawh sahimna zawnga tlanchhia an nih chuan mihring mihrinna zawn aṭanga thlirin lo hnawh kir emaw, lo dawnsawn duh loh hi thil thiang lo anga ngaih theih a nih hmel.
Mizoram sorkarin a tih tur dik tak tia Myanmar ram buai avanga raltlante ṭha taka a lo dawngsawng hi a lawmawm a, India sorkar thlirna tarmit a lo dang deuh a nih pawhin kan ṭhenawma kan uanute'n harsatna an tawhlaia lo ṭanpui a, kan theih anga lo tuamhlawm hi kan tih tur dik tak a ni e.