Thuchhuah turah Sorkar fimkhur se
General Administration Department (GAD) chuan March 19 khan hriattirna (notification) chhuahin, vantlang hmuna kaihhruaina chungchanga hriattirna March 11, 2021-a a lo chhuah tawh chu sût (cancel) a nih thu a tarlang.
GAD-in March 11-a office memorandum a chhuahah chuan, sorkar official function leh puipunna dang reng rengah zài (singing) lam chi reng reng, malzai pawh telin phal a nih loh thu tarlan a ni a, hei hian mimal zaia eizawngte a tibuai hle a ni. Hei hi sorkarin a ngaihtuah nawn leh a ni mai thei, he office memorandum chu an tihchhuah aṭanga ni riatnaah an sût leh ta a ni.
Thuchhuah hrim hrim hi mipui tana ṭha zawk tur a nih chuan sût leh hreh tur a ni lo a, tuna sorkar thutlukna pawh hi mipui tana ṭha tur nia hriat vanga sùt leh a nih hmel a; mipui nawlpui tana ṭha tur a nih chuan sorkar pawhin hma a la zel mai tur a ni ang.
Nimahsela kar khat vêl lek leka thuchhuah sût leh mai tur hi chu thu an chhuah hma khan ngun zawkin lo ngaihtuah se, puipunnaa zai khapin a nghawng theih awmte lo ngaihtuah thleng se ṭha tur a ni a, sorkar le lo tak angin a lan phah ta a ni.
Hemi hma hian Health minister leh Home minister bakah kohhran hruaitute leh tlawmngai pawl hruaitute leh doctor-te aiawh kal khawmin thu an rel sorkar thuchhuah meuha an chhuah tawh chu sorkar vekin inkaihhruaina (SOP) a siam hmangin a lo ṭhiat tawh bawk a ni.
Covid-19 vang laia kan talbuai deuh kha a hriatthiam theih rualin tun thlenga ngaihtuahna zau seng lo ang maia thu sût leh zung zung mai hi kalphung puitling tak chu a ni lo.
GAD-in March 11-a office memorandum a chhuahah chuan, sorkar official function leh puipunna dang reng rengah zài (singing) lam chi reng reng, malzai pawh telin phal a nih loh thu tarlan a ni a, hei hian mimal zaia eizawngte a tibuai hle a ni. Hei hi sorkarin a ngaihtuah nawn leh a ni mai thei, he office memorandum chu an tihchhuah aṭanga ni riatnaah an sût leh ta a ni.
Thuchhuah hrim hrim hi mipui tana ṭha zawk tur a nih chuan sût leh hreh tur a ni lo a, tuna sorkar thutlukna pawh hi mipui tana ṭha tur nia hriat vanga sùt leh a nih hmel a; mipui nawlpui tana ṭha tur a nih chuan sorkar pawhin hma a la zel mai tur a ni ang.
Nimahsela kar khat vêl lek leka thuchhuah sût leh mai tur hi chu thu an chhuah hma khan ngun zawkin lo ngaihtuah se, puipunnaa zai khapin a nghawng theih awmte lo ngaihtuah thleng se ṭha tur a ni a, sorkar le lo tak angin a lan phah ta a ni.
Hemi hma hian Health minister leh Home minister bakah kohhran hruaitute leh tlawmngai pawl hruaitute leh doctor-te aiawh kal khawmin thu an rel sorkar thuchhuah meuha an chhuah tawh chu sorkar vekin inkaihhruaina (SOP) a siam hmangin a lo ṭhiat tawh bawk a ni.
Covid-19 vang laia kan talbuai deuh kha a hriatthiam theih rualin tun thlenga ngaihtuahna zau seng lo ang maia thu sût leh zung zung mai hi kalphung puitling tak chu a ni lo.