Covid-19 laka fimkhur zel a ṭul

March 27, 2021 khan India ramah Covid-19 positive 62,714 hmuh chhuah belh an ni a, nikum October 16 hnua ni hata hri kai tam ber ni a ni.

India ramah Covid-19 hri leng a ziaawm deuh tawha ngaiin hmun hrang hrangah inkhuahkhirhna pawh an thlah dul chho ṭan tawh a, mihring khawsak phung pawhin ngai a awh chho ṭan mek tawh a; nimahsela tun hnaiah he hri hi a pung nasa hle mai a, Covid-19 hri kai an pun nasat vanglai ang mai khan tun hnaiah positive thar hmuh tur an awm chho leh ṭan mek a ni.

Mizoram pawh he hri lakah hian kan fihlim lek lek hman tawh a, positive pawh an awm tawh mang lo hman hial tawh a; nimahsela vanduaithlak takin tun hnaiah hri kai hmuh chhuah thar an awm chho leh ṭan a, a pawi hle a ni. He hri hian kan ei bar zawnna nasa taka a nghawng miau avangin tawmima inkhuahkhirh reng theih a ni lo a, ei zawng tur leh ṭul dangah vah chhuah loh theih loh a ni a, hei vang hian fimkhur tura kan inzirtir chhunzawm zel a ṭha ang.

Sorkarin inkhuahkhirhna leh inkaihhruaina hrang hrang a siam a, chungte chu Covid-19 laka a ram puma kan fimhlim theih beiseia a siam a ni tih rhe rengin theihtawp chhuahin zawm tum ila, i fimkhur zui zel ang u.