Mithiam ṭawng hun i kian ang u

Coronavirus avangin khaw­vel pumin harsatna a tawk mêk a, Mizoram pawh sorkar, khawtlang leh kohhran thlengin he hrilemg laka fihlim tumin a inbuatsaih mêk a ni. Hetihlai hian social media leh media hrang hrangah thu ziak chhiar tur a tam hle a, mithiamte thu ziak chhiar tur a awm rualin mithiam ni lem lote ṭhahnemngaihna thuziak pawh tam tham tak a awm. 

Hetiang hun harsa leh hun danglam bîk hi Mizoten kan la tawng lo a tih theih a, tunlaiin hri lo lêng tawh bawk mah se tun anga media kan ban phaka a awm hnu hi chuan kan la tawng lo. Hei vang pawh hi a ni ang, kan hlauhthawnna thu ziak a darh nasa a, inven a ṭulna leh inven dan tur thu ziakte leh Pathian thu lam hawi pawh chhiar tur a awm tam hle. Hetih hunah hian kan hmuh apiang chhiar ringawt hi a finthlak ber lo a, chutih rualin chhiar tur thliar thiam erawh thil harsa tak a ni. 

Hei vang hian kan mi thiamten midangte zirtirna tur thu ṭha leh pawimawh ziak tam se, mi thiam leh mi bîk ni lem lo chu insum thiam a 

ṭha khawp mai. Kan vei zawng apiang kan ziahte leh thil hre famkim tawk loa kan thehdarh hi tute emaw chuan thu dik leh belhchian dawl tak anga ngaiin an lo pawm hmiah ṭhin a, kan thudawnna leh hriat. A dik si loh hian ṭul loah buaina a thlen thei. 

Hripui lenlai na nâ nâ chuan mithiamte hi hun kian thiam ila, mipui lam pawh insum thiamin hriat chian loh leh ngaihdan satliah ringawt thehdarh loh ngam a hun ta. Engpawhnise mithiamte pawh taima hret se, mipui zirtirna tur lam ziak tam se, a mi naran lam tán ṭawng tlem (ziah tlem) leh insûm hun a ni e.