Oil palm thu inchuh

Agriculture department chuan tun hnai khan oil palm chin ṭulna leh ṭhatna an sawiho a, oil palm chu kum 25 chhung loneitute'n kum tin lakluh an neih theihna tur a nih thu an sawi. Oil palm chu tel (hriak) siamtu a nih piah lamah boruak chhia hip raltu a nih thu an sawi a; buh, fu leh balhlate ai pawha tui mamawh tlem zawk a nih thu an sawi.

Tun hnaiah Mizorama pawl hrang hrangte'n oil palm chin tharthawh an duh loh thu chif minister-ah an lo thlen tawh a; oil palm-in leilung, thing leh maute a tihchhiat nasat thu ASEP, BIOCONE leh Conversation Mizoram-te chuan an sawi ve thung a ni.

Hetihlai hian India sorkar chuan oil palm hi a lian thama chinna turin National Mission on Edible Oil-Oil Palm (NMEO-OP) a din a, hemi atan hian cheng vaibelchhe 11,040 vel zet a dah. India hmar chhakah oil palm hi nasa taka kalpui a tum a, Mizoramah pawh ram hectre 2,000-a pil palm ching turin sorkar laipui lamin target an rawn siam niin an sawi.

Heti a nih chuan state sorkar tan chuan pawisa tamna project ni bawk, chumi piah lama kuthnathawktute tana pawisa luh theihna tur kawng lo ûm hi thil mak a ni lo ang.

Kan sorkarin sum a neih loh dan en phei chuan project lian tham hmanga sum lakluhna awm hi thil lawmawm tak a ni thei a, a ṭhat loh dan awm bawk mah se a ṭhatna leh ṭangkaina pawh sawi tham zet a awm ve ngei ang.

Oil palm lakluh a pawizia hretute'n an dodal a, Agriculture department lamin a ṭhatna an sawi ve thung a, mithiam leh mithiam hi oil palm chungchangah hian an la inhnial chho zel ngei ang.